出外靠朋友

出外靠朋友呢句話的確係無錯。早幾日無端端發現架車泊係街俾人撞爛左，而呢位仁兄／仁姐卻非常不負責任，撞完走。結果，我地要自己承擔呢次無莽之災。

雖然如此，咁啱早個星期就識得個朋友，佢有個朋友響車行打工，但係自己亦有幫人整車，為人老實，收得好平。就因為早個星期認識佢，呢個星期我地就可以將車俾佢整。唔駛兩日，佢就幫我地將呢架心愛嘅坐駕整番好，價錢仲俾出面車行平好多。出外有靠朋友就係無講錯，假如無呢個朋友，假如唔係早個禮拜已經認識佢，可能呢次無咁順利攪得掂。

尋晚睇左套錄影帶，叫Conversation with GOD.　故事內容正好提番我，其實我地生命中每件事神都參與，無論係乜野境況，佢都為我地一步步預備。只要我地留意發生響我地週圍嘅事，就唔難發現上帝正對我地說話。果句話就係：佢愛我地！

今次唔記得幫駕車影個災之災後樣，不過，呢個圖像已經印係我腦海裏面，唔係災難，而係神嘅同在。